METRO MANILA-Andam na ang Kamara sa pag-host sa ikatulong State of the Nation Address ni Presidente Bongbong Marcos.
Gipahigayon ang SONA inter-agency meeting,diin gipaambit sa House Secretary General nga anaa na sila sa “final stages” sa pagpangandam alang sa panagtapok karong Hulyo 22.
Matud pa usab ni Velasco nga ang ilang mga renovation ug adjustments nag-uswag aron ma-accommodate ang mga partners gikan sa Office of the President ug sa Senado.
Gipasalamatan usab ni Senate Secretary Renato Bantug ang Kamara sa paghimo sa “lion’s share” sa pagpangandam alang sa SONA.
Gawas niini nangayo usab ang Presidential Communications Office sa MMDA sa mga detalye sa traffic rerouting plan aron masayran og sayo sa mga motorista kung asa ang saktong agi-anan, lakip usab nga nipahibalo ang Philippine National Police nga nagplano silang magbutang og baynte dos mil ka personnel sa lain-laing lugar sa Metro Manila.
Gipahimutang usab sa kamara ang bag-ong mga room assignmnt aron mas sayon ang paglihok sa mga bisita ilabina si Presidente Marcos, uban sa iyang mga sakop ug pamilya.
