Gibutyag ni Emalyn Aliviano, ang spokesperson sa Kilusan Cebu, nga dili angay magpalingla ang katawhan sa gipakita karon sa kagamhanan sa Pilipinas, hilabi na sa administrasyon ni Pres. Ferdinand Marcos Jr. gumikan kay gawas sa nahitabong mga drama ug isyu sa politika wala gihapon nakasulbad ang gobyerno sa mga nag-unang problema sa nasud.
Sigon ni Aliviano, sa iyang personal nga panglantaw, nga klaro og tataw na ang hisgutan ni Pres. Marcos atol sa umaabot niyang ika lima nga State of the Nation Address kon SONA, diin matud pa niini puros mga pampahumot ra sa administrasyon ang hisgutan niini.
Matud niini nga usa sa mga bout nga hisgutan sa presidenti mao ang padayung hisgutanan sa pagpa-usbaw sa suholan alang sa mga mamumo nga anaa sa Central Visayas, gumikan kay hantud karon wala pa kini mapatuman sa kagamhanan subay na sa padayung nasinati nga kalisod sa mga tawo.
Lakip usab nga gustong hisgutan niini sa Presidente mao ang nagpadayung pag-usbaw sa inflation rate, lakip na ang pagtaas sa presyo sa bugas og produktong lana.
Dugang pa sa tigpamaba sa Kilusan Cebu, nga angayan usab nga hisgutan sa Presidente Marcos ang matud pa peke nga Anti-Political Dinasty Law nga gipasar sa kongreso, gumikan kay naghatag lang kini og avenue sa mga dinastiya nga mopahimulos sa kagamhanan.
Gihimug-atan usab ni Aliviano, nga gikinahanglan nga ipakita ni President Marcos ang iyang tiunay nga paghatag og pagtagad sa mga isyu sa anomliya, hi;abi na sa pgpanubag sa mga nalambigit niini.
