MANDAUE CITY-Makadawat ug tag singko-mil pesos isip allowance gikan sa kagamhanang dakbayan sa Mandaue ang mga atleta niini nga musalmot sa 2024 Palarong Pambansa.
Kini ang gihatagan og kabug-aton ni Mandaue City Mayor Jonas Cortes isip dalit nga suporta sa mga atleta sa naasoy nga dakbayan aron dugang pagdasig para pagkab-ot sa kadaugan.
Lain insentibo ang madawat sa mga atleat kung higayon makakuha sila ug medalya sa torneyo sa ilang nagkadaiyang duwa sa paugnat sa kusog.
10-mil pesos ang madawat sa makakuha ug gold medal, laing 7-mil pesos para sa silver medalist, ug 5-mil pesos para sa makakuha ug bronze medal.
Sa pakighinabi sa Bombo Newsteam kang Dr Bianito Dagatan, ang School Superintendent sa DepEd Mandaue Division nga ang pag apod apod nahitabo atol sa final conference nga gipahigayon sa mga delagado sa dakbayan nga mukabat sa 104 ka mga student-athletes ang uban sa delegasyon sa Central Visayas.
