BAMBAN, TARLAC-Nadiskubrehan sa mga otoridad ang usa ka underground tunnel atol sa exploration nga gihimo sa Pampangan PNP ug lokal nga mga opisyal sa giingong exclusive resort nga gigamit sa mga Chinese bosses nga nagdumala sa POGO operations sa Bamban, Tarlac ug Porac, Pampanga.
Mao kini ag gisapubliko ni Pampanga police provincial director Police Col. Jay Dimaandal.
Diin ang nasangpit nga compound anaa sa Barangay Siñura, Porac Pampanga nga wala pa’y 5 kms gikan sa mga buhatan sa gironda nga POGO hub sa Lucky South 99 Outsourcing Inc. sa niaging bulan.
Gipaambit sa post ni Pampanga Governor Dennis Pineda, diin nagkanayon kini nga ang tunnel mao’y nagkonektar sa mansyon ug sa balay nga anaa sa tunga sa usa ka linaw.
Sa video, makita ang mga awtoridad nga nagsuhid sa usa ka underground nga adunay mga wala’y sulod nga istante paingon sa mga opisina ug kwarto.
Nadiskubre usab ang usa ka firing range.
Matod ni PD Dimaantal, ang mga opisyal sa gironda nga POGO sa Porac mopauli sa maong leisure hub sa Barangay Siñura.
Dugang pa sa PD nga ilang nadiskubrehan ang subject sa search warrant sama sa giingong hazing paraphernalia, posas, baseball bat ug “incriminating” nga mga dokumento.
Gitanggong usab sa mga otoridad ang mga nagpuyo sa compound ug 2 ka giila nga incorporator sa Whrilwind Corp., ang kompanya nga nag-abang sa property sa Lucky South 99 sa Barangay Sta. Cruz, Porac, Pampanga.
Nasuta sa imbestigasyon sa mga otoridad nga ang resort ug balay gitukod nga wala’y building permit gikan sa buhatan ni Porac Mayor Jing Capil ingon man walay katugbang nga barangay clearance.
