Gibasura sa Korte Suprema ang petisyon nga gisang-at ni Atty. Herminio ‘Harry’ Roque batok sa Quad Committee sa House of Representatives.
Nagtinguha ang petisyon sa abogado nga pugngan ang komite sa pag-aresto kaniya ug pagpugos kaniya sa pagtambong sa mga hearing ug pagsumiter sa mga dokumento sa imbestigasyon sa Philippine Offshore Gaming Operators o POGO.
Sa usa ka desisyon nga gisulat ni Associate Justice Samuel Gaerlan, ang Korte Suprema En Banc gihulagway kini ang ‘Petition for Certiorari and Prohibition’ nga ‘walay pulos’ human giwagtang sa QuadComm ang ‘contempt order’ niini sa katapusan sa ika-19 nga Kongreso niadtong Hunyo, 2025.
Isip pahinumdom, gidapit sa QuadComm si Atty. Roque sa pagtambong sa unang hearing isip ‘resource person’ apan wala motambong tungod kay gituohan nga gibalhin ang iskedyul o petsa niini.
Bisan pa, mitambong siya sa ikaduhang hearing ug ang iyang kalambigitan sa operasyon sa POGO gikuwestiyon, busa gimandoan siya nga motambong sa sunod nga hearing nga adunay pipila ka mga dokumento.
Apan wala kini gituman ni Atty. Roque ug nagsang-at og mosyon aron ibasura ang subpoena, apan gibalibaran kini sa komiteba; gihatagan siya og show cause order aron depensahan ang iyang kaugalingon aron dili siya ma-contempt.
Sa susamang higayon, wala na usab motambong si Roque, busa nag-isyu ang komiteba og subpoena batok kaniya.
Hinungdan nga nagsang-at og reklamo ang kanhi opisyal sa Korte Suprema, lakip ang hangyo alang sa writ of amparo, diin supak sa mga contempt ug detention order sa kamara.
Gibasura sa Korte Suprema ang partikular nga hangyo alang sa usa ka amparo tungod kay giingon nila nga dili kini angay nga remedyo batok sa giingon nga mando sa kongreso.
Milabay ang panahon, laing resolusyon sa Korte Suprema ang gipagawas, gibasura niini ang petisyon sa abogado nga si Harry Roque.
