CEBU CITY-Mipahayag ang Department of Education-Central Visayas nga pormal magsugod ang tanang pampublikong tunghaan sa kabisaya-an sa karong adlaw sa Lunes Hulyo 29, 2024 atol sa pag-abli sa bag-ong school year 2024-2025.
Apan adunay pipila ka mga tunghaan ang ma-postpone usa ang pag-abi pagbalik sa klase mahitungod sa katalagman nga nasinati niini particular na ang tunghaan sa Sapangdaku Elementary School sa bukirang bahin sa Sugbo gumikan nasunogan kini sa milabay nga adlaw niadtong Hulyo 26.
Sa pakighinabi sa Bombo Newsteam kang Dr Salustiano Jimenez, ang Regional Director sa DepEd-7 kinsa personal nga mibisita sa nasunogang tunghaan diin 3-ka classrooms niini ang naugdaw.
Dugang niya nga posibling pagasugdan ang pagtungha sa maong eskwelahan sa umaabot petsa 30 na sa kasamtangang buwan aron paggahin og dugang oras sa pagpangandam sa mga magtutudlo sa naasoy nga tunghaan.
Kahinumduman nga niadtong adlaw sa Biyernes, Hulyo 26, pasado alas 4 sa hapon nasunog sa eskwelahan sa elementarya sa Sapangdaku ug ang mga silingan nga panimaly niini nga nagdugay ang insidente sulod sa 30-minutos nga nakaugdaw sa mga kabtangang nga nagbalor ug Php 700,000 sumala sa kabumberohan sa dakbayan sa Sugbo.
