Carlos Yulo, nihimo og bag-ong kasaysayan human makalangkat sa iyang ikaduhang bulawang medalya sa men’s vault finals

PARIS OLYMPICS-Nihimo og bag-ong kasaysayan ang Pinoy gymnast nga si Carlos Yulo human nga makalangkat kini usab og bulawang medalya sa vault final sa Paris Olympics 2024.

Gidominar ni Yulo ang mga kaatbang niini diin nakakuha siya og 15.433 puntos gikan sa una niyang ambak sa vault ug 14,800 gikan sa iyang ikaduhang ambak nga adunay kinatibuk-ang 15.116.

Mihimo og kasaysayan si Yulo kay siya lang ang Filipino nga atleta nga nakadaog og duha ka gold medals sa Olympics.

Mahinumduman niadtong Sabado sa gabii dihang nadaog ni Yulo ang unang bulawang medalya sa floor exercise.