METRO MANILA-Giila ni Philippine Army Chief Lt.General Roy Galido ang hiniusang pasalig sa Philippine Army ug sa Malaysian Army nga magtinabangay sa kapabilidad sa usag usa, alang sa pagpasiugda sa kalinaw ug kalig-on sa rehiyon taliwala sa pagka-miyembro sa Association of Southeast Asian Nations (ASEAN).
Gihimo ang pamahayag ni Gen. Galido, dungan sa pag-host sa Philippine Army sa 36th Malaysia-Philippines (MALPHI) Working Group Meeting sa Headquarters sa Philippine Army, sa Fort Bonifacio, Taguig City.
Ang maong tigom gipangulohan ni Phil. Army Assistant Chief of Staff for Plans, G5, Col. Benjamin L. Leander ug Malaysian Army’s Operation and Training Branch Director General Brig. Gen. Isa Bin Daud.
Ipahigayon matag tuig ang MALPHI working Group meeting, nga kalihokan diin nagtumong sa pagpalig-on sa kooperasyon ug panaghigalaay tali sa duha ka kasabutan pinaagi sa pagpalambo sa medium-term bilateral nga mga kalihokan ug paghisgot sa mga isyu nga mahinungdanon sa duha ka kilid.
