Mopahigayon og massive crackdown batok sa mga public utility vehicles nga walay saktong prangkisa o wala maka-renew sa ilang prangkisa ang Department of Transportation (DOTr).
Nihimo sa pahimangno taliwala sa kalit nga pagpahigayon sa steering group sa transport strike si Transportation Secretary Jaime Bautista sa pipila ka bahin sa Metro Manila isip protesta sa Public Transport Modernization Program (PTMP) nga kanhi Public Utility Vehicle Modernization Program (PUVMP).
Lakip sa bantayan sa DOTr, matod ni Bautista, mao kadtong mga jeepney nga wala marehistro ubos sa Public Transport Modernization Program.
Dugang sa opisyal nga ang prangkisa sa mga jeepney nga wala marehistro sa PTMP kay gikonsiderar nga revoked.
Kahinumduman nga nibalik na sa karsada ang mga jeepney drivers ug operators human gimando sa PBBM nga ipadayon ang PTMP bisan pa sa naunang apela sa mga senador nga temporaryo kining suspensuhon.
Sa wala pa ang protesta sa grupong Manibela, nagpahigayon usab og unity walk ang mga supporter sa PTMP nunot sa naunang lakang sa mga senador, sa samang higayon nanawagan sila sa PBBM nga ipadayon kini tungod kay kapin na sa 80% sa pampublikong transportasyon ang na-consolidated, butang nga giaprobahan usab ni Presidente Marcos.
