Gilauman nga mas modaghan pa ang mga duwa sa 2028 Olympics nga adunay giplano nga ibalik sa pipila ka mga sporting event.
Basi sa inisyal nga plano, adunay kinatibuk-an nga 36 ka sport events sa Los Angeles Olympics itandi sa 32 sa miaging Paris Games.
Lakip sa idugang mao ang duwa nga cricket nga katapusang nakita sa Paris Olympics niadtong 1900 diin ang paspas nga Twenty20 format sa maong mga duwa gamiton sa naasoy nga sports.
Ingon man ang baseball, softball, ug lacrosse, nga wala pa makita sa Olympics sa pipila ka mga edisyon.
Giingong mahimo usab nga ipaila sa Los Angeles Organizing Committee ang ubang mga bag-ong sports sama sa flag football ug squash apan gitun-an kini karon.
Apan, tangtangon ang breakdancing, nga gipaila sa unang higayon sa bag-ohay nga mga duwa sa Paris ug ipadayon ang boxing nunot sa mga panawagan sa pagreporma sa pagdumala sa nasangpit nga sporting event.
