METRO MANILA-Gisaway ni Sen. Risa Hontiveros ang mga opisyal ug kawani sa gobyerno nga maghinayhinay sa pagkuha og mga hulagway uban sa dismissed nga si Bamban, Tarlac Mayor Alice Guo o Guo Hua Ping.
Si Hontiveros ang chairperson sa Senate Committee on Women, Children, Family Relations and Gender Equality, nga nag-imbestigar sa mga butang nga naglambigit ni Guo.
Sa iyang social media account, wala matago sa magbabalaod ang iyang kaguol sa mikatap nga mga litrato.
“PAALALA lalo na sa mga kawani ng gubyerno: Si Alice Guo ay pugante. May kasong human trafficking. Hindi po yan celebrity,” matud ni Hontiveros.
Pipila sa mga litrato nga nigawas kay si Guo kauban ang pipila ka mga operatiba sa Immigration ug mga ahente sa National Bureau of Investigation (NBI) samtang didto sa Indonesia.
Naa say hulagway uban ni Philippine National Police Chief Rommel Marbil ug Interior Secretary Benhur Abalos.
Wala pay tubag ang PNP ug DILG sa pamahayag ni Hontiveros.
