Buffer stock sa bugas sa nasud, kapin sa 3.1 milyones ka sako – NFA Administrator Lacson

Gipaniguro ni National Food Authority Administrator Larry Lacson ang stable nga buffer stock sa bugas sa nasud.

Matud niya nga ang nasud adunay lima ka adlaw nga buffer stock sa tibuok nasud.

Katumbas kini sa kapin 3.1 milyones ka sako sa bugas.

Dugang pa ni Lacson nga ang nasud nakatigom na og muabot ngadto sa 157,000 ka metriko tonelada nga bugas ug gilauman nga modaghan pa sa pag-abot sa ani.

Ang Department of Agriculture (DA) niingon nga magpadayon ang taas nga buying price sa NFA nga gigamit sa pagpalit og bugas gikan sa mga lokal nga mag-uuma sa nasud.