China naglunsad og mga intercontinental ballistic missiles

Mapasigarbuhon ang China sa malampusong paglusad sa ilang intercontinental ballistic missile (ICBM).

Ang maong mga missile gikargahan og dummy warheads ug nahagsa kini sa Pacific Ocean.

Matud sa defence ministry sa China nga ang paglansad sa pagsuway naandan ug bahin sa tinuig nga pagbansay.

Dili klaro kung unsang klase sa missile ang gipalupad, ingon man ang lugar nga gibiyahe niini.

Samtang, nabalaka ang Japan sa maong insidente tungod kay walay pahibawo nga mopahigayon og test launch ang China.

Tungod kay kasagaran mahulog ang mga missiles sa China ngadto sa Taklamakan Desert sa rehiyon sa Xinjang.

Kini usab ang unang higayon sukad sa 1980 nga ang China molupad sa ilang ICBM sa internasyonal nga kadagatan.