CEBU-Nag-awhang ang grupong PAMANA Cebu Fisherfolks Federation sa gobyerno nga panalipdan ang kinaiyahan ilabi na ang kadagatan ug ang mga gagmay nga mga mangisdaay subay sa kasaulogan sa bag-o lang natapos nga ika-29 nga National Seafarers’ Day.
Sa ekslusibong pakighinabi sa Bombo Radyo Cebu kang Victor Lapaz, ang Chairman sa PAMANA Cebu Fisherfolks Federation, nanghinaot ko nga prayoridad sa kagamhanan sa Pilipinas ang pagtapos sa mga programa nga nanalipod sa kinaiyahan, nga maoy tinubdan sa bahandi sa katawhan, ilabina sa ilang mga gagmayng mananagat.
Dugang pa niya nga nanghinaot siya nga ang incumbent motutok sa paghatag ug patas nga hinabang ug dili lang sa mga duol sa politikanhong suporta ug dili sa bisan kinsa nga nagkinahanglan niini.
Matod niya nga imbes nga mag-import og mga produkto sa dagat gikan sa ubang kanasuran, mas makabenepisyo ang katawhang Pilipino aron matagamtaman ang atong kaugalingon nga makasustiner sa National Food Security sa nasud.
Ang National Seafarers Day sa nasud gisaulog matag katapusang semana sa Septiyembre pinaagi sa Presidential Decree No. 1094 nga gipirmahan ni kanhi Presidente Fidel V. Ramos niadtong 1996.
