CEBU CITY-Pormal nang gisugdan ang 911 Emergency Hotline sa kagamhanang dakbayan sa Sugbo pinaagi sa pag-inagurar sa Cebu City Disaster Risk Reduction and Management Office (CCDRRMO) sa Command Center niini sa left wing sa City Hall’s legislative building kagahapong adlawa sa Lunes Septiyembre 30, 2024.
Mag-operate kini 24/7 sa hurisdiksyon sa dakbayan sa Sugbo sa pakig-alayon nii sa Next Generation Advanced (NGA), usa ka multinational nga kumpanya nga naghatag sa equipment ug training sa sistema sa emergency hotline system uban sab sa laing departamento sama sa kapulisan, kabumberohan, ug uban pang hingtungdang ahensya.
Gigahinan kini sa budget nga P9-milyones para sa maong emergency center.
Matod ni NGA Country Manager Rob Llaguno, ang 911 dispatch system nga gi-install sa command center sa dakbayan susama sa gigamit sa Estados Unidos.
Usa ka hinungdanon nga bahin sa kini nga sistema mao ang paghiusa niini sa mga serbisyo sa lokasyon sa emerhensya sa Google, nga makapaarang sa tukma nga pagpunting sa mga lokasyon sa mga nanawag, pagsiguro nga mas paspas ang mga oras sa pagtubag sa emergency.
Maghatag kini sa eksakto nga lokasyon hangtod sa lebel sa barangay sa tawag sa emergency ug uban ang dugang nga kasayuran bahin sa sitwasyon diin ang dispatser mahimong mag-analisar kung unsang klase nga tubag ang kinahanglan.
Gitambongan ang maong inauguration nila Cebu City Acting Mayor Raymond Alvin Garcia, Cebu City Councilors Eduardo “Jaypee” Labella II, Jocelyn “Joy” Pesquera, Joel Garganera, and Renato “Junjun” Osmeña Jr. ug ni Department of the Interior and Local Government (DILG) Usec. Lord Villanueva.
Libre ang maong serbisyo agig pagsunod sa Executive Order No. 56 ni kanhi Presidente Rodrigo Duterte, nga nag-institutionalize sa 911 emergency hotline alang sa nationwide approach sa pagtubag sa mga emergency.
