Anaa sa 80-ka tawo, patay sa natikyaob na ferry sa Congo

KINSHASA, CONGO – Patay ang labing menos 78 ka mga tawo ang namatay human natikyaob ang usa ka ferry sa Lake Kivu, sa silangang Democratic Republic of Congo.

Ang barko nagbiyahe gikan sa lungsod sa Minova sa South Kivu ug nalunod kini paingon sa baybayon sa Goma.

Sa video, makita nga natikyaob ang ferry ug dayon nga nalunod.

Matod ni Governor Jean Jacques Purisi, adunay 278 ka mga pasahero sa barko dihang nahitabo ang trahedya.

Human ma-rescue ang pipila ka mga pasaherong naangol, dali silang gidala sa tambalanan.

Ang survivor nga si Alfani Buroko Byamungu niingon nga malinawon ang dagat apan kalit lang nga adunay nilihok sa ferry nga maoy hinungdan sa pagkaunlod niini.