Chimpanzee, pito ka buwan nga gikugos ang patay na niya nga baby

SPAIN-Ingon nila, “a mother’s love, knows no bounds.”

Mao kini ang gipamatud-an a usa ka Chimpanzee nga anaa sa Bioparc Valencia, usa ka zoo sa Spain diin sulod sa pito ka buwan kay iyang gikugos ang iyang anak bisan paman nga patay na kini.

Si Natalia nanganak sa iyang baby chimpanzee niadtong Pebrero, apan duha ka semana ang milabay, subo nga namatay ang bata.

Naglisod si Natalia sa pagpanamilit sa iyang anak ug daghan ang nasakitan sa dihang nakita nila ang iyang gibuhat.

Bisan pa nga patay na ang bata nga chimpanzee, wala gayud kini buhii sa iyang inahan ug gigakos bisan asa siya moadto.

Ingon man nga wala niya kini nabutang sa yuta hangtod nga nadunot ug bukog na lang ang nahibilin.