Human sa pamahayag ni kanhi Presidente Rodrigo Roa Duterte kalabot sa iyang posibleng pagtambong sa nagpadayong hearing sa House Qaud Committee, si Manila Representative Bienvenido Abante Jr. miingon nga usa kini ka “welcome development”.
Sa pamahayag, ang magbabalaod niingon nga dakong butang ang pamahayag sa kanhi presidente kalabot sa iyang tuyo nga motambong sa hearing sa kamara sa mga giingong kaso sa EJKs sa miaging administrasyon ug uban pang butang.
Matod niya nga giimbitar usab siya sa iyang komitiba sa nangaging mga hearing apan napakyas sa pagtambong ang kanhi presidente.
Giklaro ni Abante nga sa sunod nga hearing karong Biyernes, Okt 11, posibleng dili na maapil ang FPRRD.
Matod niya, aduna pay laing mga testigo ug mga resource person ang gikatakdang motambong alang sa pagpadayon sa hearing.
Apan, kung magpadayon ang pagtunga sa kanhi presidente sa House Quad Committee, respetuhon kini ug hatagan nila og tukmang courtesy.
