Giawhag sa Estados Unidos ang kaalyado niini nga Israel nga likayan ang sama sa Gaza nga aksyong militar sa Lebanon.
Tungod niini misaad ang hepe sa militar sa Israel nga si Herzi Halevi nga ipadayon ang pagpamomba sa mga target sa Hezbollah, diin nakapatay sa kapin sa 1,200 ka mga tawo sukad niadtong Setyembre 23.
Nag-gikan ang maong pahimangno human sa usa ka tawag sa telepono tali ni Netanyahu ug Presidente sa US nga si Joe Biden.
Giingon sa White House nga gisultihan ni Biden si Netanyahu nga minusan ang kadaot sa mga sibilyan sa Lebanon, ilabi na sa mga lugar nga daghang populasyon sama sa Beirut.
Pinaagi sa usa ka video si Netanyahu miingon sa mga tawo sa Lebanon niadtong Martes nga kung adunay ka higayon nga maluwas ang Lebanon kinahanglan kining mo sibat arun dili malambigit sa gubat nga mo resulta sa grabing kadaot.
Kung kahinumduman, nga ang Iran nagpabuto og dul-an sa 200 ka mga missile sa Israel sa giingon niini nga pagbalos sa pagpatay sa Hezbollah leader nga si Hassan Nasrallah ug Hamas leader Ismail Haniyeh.
Samtang gipasidan-an ni Biden ang Israel batok sa pagsulay sa pag-target sa mga pasilidad sa nukleyar sa Iran gumikan sa kapeligro ug respituhon ang tawhanong katungod.
