Pumpboat, natikyaob sa isla sa Camotes tunga-tunga sa pagkuso-kuso sa bagyong Kristine

CAMOES, CEBU-Natikyaob ang usa ka pumpboat nga adunay duha ka sakay sa kadagatan nga sakop sa isla sa Camotes gabii, tunga-tunga sa pagkuso-kuso sa bagyong Kristine.

Basi sa Cebu Provincial Disaster Risk Reduction and Management Office nga nagbyahe ang maong pumpboat gikan sa Ormoc City paingon sa Pilar sa isla Camotes.

Giingong natikyaob ang pumpboat tungod sa kakusog sa uwan ug dagko nga bawod.

Apan swerti nalang nga nakalangoy ang duha ka mga sakay paingon sa baybayon sa Pilar ug anaa na sa luwas nga kahimtang.