Nakadani og atensyon ang mga costume sa managhigugmaay nga sila si Carlos Yulo ug Chloe San Jose sa Shake, Ratlle and Roll Ball sulod ug gawas sa internet.
Ang double Olympic gold medalist nga si Carlos Yulo maoy show-stopper sa bag-o lang nahuman nga Shake, Rattle, and Ball, usa ka Halloween party sa eventologist nga si Tim Yap.
MIsalmot ang artistic gymnast sa maong kalihokan nga nagsul-ob og outfit nga inspire sa killer doll nga si Chucky.
Samtang, ang iyang uyab nga si Chloe San Jose nagsinina isip pangasaw-onon ni Chucky, si Tiffany.
Nakita usab sa Shake, Rattle, and Ball party ang mga showbiz stars, beauty queens, drag queens, ug prominenteng personalidad sa ubang industriya.
Lakip kanila mao sila si Samantha Bernardo, Vina Morales, Janeena Chan, Vicki Belo, Hayden Kho, Jayda, Christi McGarry.
Ang tema alang sa kalihokan karong tuiga mao ang Cirque, diin ang mga bisita gidasig sa pagsaulog sa ilang pagkamamugnaon ug pagka-indibidwal.
Kung kahinumduman si Yulo nidaog sa Paris Olympics sa duha ka kategorya sa Gymnastics ug nahimong inspirasyon sa mga bag-ong tubo nga gymnast sa nasud.
