CEBU CITY- Gipatawag sa Highway Patrol Group – Central Visayas ang duha ka mga content creators nga nagsul-ob og alegreng mga costume sa mga superheroes human nag-exhibition kini og nakamugna og hulga sa risgo sa aksidente sa kadalanan sa Cebu Transcentral Highway niadtong Dominggo, Oktubre 27, 2024.
Sa mi-viral nga video online, nasayran nga si Jason Ik, 27-anyos kinsa nagsul-ob sa costume nga si “Spiderman” ug si Boy Banat, 30-anyos kinsa nagsul-ob sa costume nga “Son Goku” sakay sa ilang big bike nga audnay sidecar uban sa laing personalidad nga nagsul-ob og costume nga “Batman” kay nag-exhibition samtang nagpadagan sa motorsiklo nga ang usa niini mikatkat sa atop sa sidecar.
Ang duha nga si Spiderman ug Son Goku kinasing-kasing nangayo og pasaylo sa ilang nabuhat og nagpasalig nga dili na kini buhaton pag-usab.
Ila usab gipahimangnoan ang ilang mga taga-suporta nga dili sundugon ang ilang gibuhat tungod kay gawas sa nakalapas kini sa balaod sa insaktong pagpadagan sa mga pampublikong kadalanan kay nahataga sab kini og risog sa aksidente.
Nakamugna kini og nagkadaiyang reaksiyon online ang video sa mga content creator hinungdan ang ang nasudnong pangu sa PNP-HPG miawhag sa pagkighinabi sa naasoy nga mga indibidwal.
Sa eksklusibong pakighinabi sa Bombo Newsteam kang Police Lt Col Wilbert Parilla nga matod niya nga submissive mitunga ang mga naasoy nga riders tungod sayod sila sa kalapasan nga ilang nabuhat.
Gidungang sa opisyal nga dili man kalapasan sa balaod ang pagsul-ob og costume samtang nagmaneho basta nagsunod lang kini sa lagda sa batas-trapiko.
Mipahimangno sa makadaghang higayon ang opisyal nga dili mag-gara-gara og padagan sa pampublikong kadalanan kay posibling hinungdan kini sa risgo sa aksidente sa mga motorista.
