BORBON, CEBU- Na-angol ang duha ka tawo human gibangga-an sa usa ka multicab sa kadalanan sa Sitio Canlagang, Barangay Don Gregorio Antigua sa lungsod sa Borbon, probinsya sa Sugbo.
Kung diin, nakuhaan og CCTV footage ang aksidente diin gibangga-an sa nagsutoy nga multicab ang duha ka tawo kinsa anaa sa daplin sa dalan uban sa ilahang motorsiklo.
Nahitabo ang maong aksidente pasado alas 4 sa hapon niadtong adlaw sa Sabado, Nobyembre 2, 2024.
Atol sa inisyal nga imbistigasyon sa Borbon Police Station nga anaa na sa mas luwas nga kahimtang ang duha ka biktima kinsa gidala sa doul nga tambalan.
Dugang pa, nga padayon pa usab nila nga gisuta ang hinungdan sa aksidente, aron ilahang masayran kung aduna ba kini human error o mechanical failure ba.
Posibling mag-atubang ang drayber og silot sa kalapasan sa lagda sa trapiko ug ingun man ang pagka-angol sa duha ka indibidwal.
