PROVINCE OF CEBU-Dili mominos sa 300 ka mga bise mayor sa tibuok nasod ang nagtapok sa dakbayan sa Sugbo alang sa “2024 Summit on Children: A Legislative Conference on the Welfare and Protection of Children” nga gipasiugdahan sa Vice Mayor’s League of the Philippines (VMLP).
Agi’g suporta, ang Cebu Provincial Government nipahigayon og welcome dinner niadtong Nobiyembre 6 sa usa ka hotel sa dakbayan sa Sugbo.
Kini gitambungan ni Gobernador Gwendpolyn Garcia; San Mariano, Isabela Vice Mayor Dean Anthony Domalanta, kinsa mao usab ang VMLP national president; ug Cebu City Mayor Raymond Garcia kinsa, sa wala pa mo-asumir sa chief executive position sa city hall, kay nakaserbisyo na isip national vice president sa VMLP.
Ang tulo ka adlaw nga summit, nga adunay tema nga “Break the Prevalence: Protecting Children, Creating a Safe Philippines”, kabahin sa usa ka buwan nga selebrasyon sa Children’s Month.
Gipakita niini ang mga hisgutanan bahin sa hinungdanon nga mga isyu sa kaayohan sa bata, nga adunay input gikan sa mga ahensya sa gobyerno lakip ang Konseho alang sa Kaayohan sa mga Bata, Department of the Interior and Local Government, Department of Social Welfare and Development, Department of Justice, ug Department of Labor and Employment.
Diin ang mga insight gipaambit usab sa mga mamumulong gikan sa Probinsiya sa Sugbo, Bangsamoro Autonomous Region in Muslim Mindanao (BARMM), ug International Justice Mission.
Sa ilang hiniusang manifesto, ang mga partisipante nagpamatuod pag-usab sa ilang pasalig sa pagtubag sa mga dinalian nga isyu sama sa pagpanalipod sa bata, partisipasyon sa bata, ug ang mga epekto sa pagbag-o sa klima sa mga bata.
Ingon man nga gipasiugda usab sa manifesto ang panginahanglan sa mga LGU nga unahon kining mga lugara aron masiguro ang kaugmaon sa kabataan sa tibuok nasud.
