CEBU CITY- Padayon nga gihingosgan sa Cebu City Police Office ang ilahang paningkamot sa pagmintinar sa kahapsay ug kalinaw sa Dakbayan sa Sugbo.
Hinungdan nga ning bag-ohay lamang atol sa usa ka semana nga operation o gikan sa November 1 ngadtu sa 7, 2024.
Nasakmit sa kapulisan sa Dakbayan sa Sugbo ang dul-an sa P4-milyones nga drugs atol sa ilahang gilusad nga 49 ka mga operasyon, nga hinungdan sa pagkasikop sa 59 ka indibdiwal og pagkasakmit sa 541.89 ka gramos nga adunay standard drug price nga P3, 684, 852.00.
Dugang pa, nga sulod lamang sa usa ka semana, nasikop usab ang Upat ka-most wanted person ug laing 17 nga wanted person.
Samtang, sa Loose Firearms, nakahimo sila og walo ka operasyon, ug nasikop ang anaa sa pito ka indibidwal, gisakmit o Nabawi usab ang walo ka pusil nga walay lisensiya ug adunay usa nga gi-deposit.
Sa Illegal Gambling nadakpan ang anaa sa 79 ka mga sugarol sa 50 ka mga operasyon nga gipahigayon ug nasakmit ang anaa sa 7,418.00 nga beating money.
Dinhi, gidayeg ni Police Colonel Antonietto Cañete, ang City Director sa Cebu City Police Office ang kapulisan sa ilahang malampuson nga poperasyon ug nagpasalamat sa kooperasyon sa publiko hinungdan nga nagpadayon ang kalinaw ug kahapsay sa Dakbayan sa Sugbo.
