Planong magpatawag ni Sen. JV Ejercito og Oversight Committee hearing sa pagpatuman sa Universal Health Care Law.
Matod ni Ejercito, nga hapit na kita mosulod sa ika-5 ka tuig sa pagpatuman sa maong balaod hinungdan nga angayan nga tan-awon kon unsay gihimo sa pagpatuman niini.
Sa sunod tuig, plano sa senador nga ipahigayon ang maong hearing.
Dugang niini, nga konektado gihapon kini sa paggasto sa budget sa Philippine Health Insurance Corporation (PhilHealth) ug kini aron maseguro nga dali maluwas ang mga benepisyaryo ug kadtong nanginahanglan.
Una nang gipaambit ni Ejercito nga nagkasabot ang mga senador nga ipaubos og gamay ang subsidy sa gobyerno ngadto sa PhilHealth.
Matod niya nga gikan sa P73 bilyones, gipaubos sa Senado ang alokasyon sa subsidy sa PhilHealth ngadto sa P68 bilyones sa ilang final version sa 2025 budget bill.
Ang mga indirect contributor sa PhilHealth sama sa mga kabus nga benipesyaryo nasakop sa subsidy sa gobyerno.
Gitataw sa magbabalaod, kon dili modeklarar og dagkong savings ang PhilHealth, dako ang kahigayonan nga madugangan ang subsidy sa state health insurer.
