56 patay sa stampede sa usa ka duwa sa football sa Guinea

Mokabat sa 56 ka mga tawo ang namatay human nahitabo ang stampede atol sa duwa sa football sa N’Zerekore City, Guinea.

Basi sa mga awtoridad, nagsugod ang kagubot tali sa mga fans.

Ug misamot ang kagubot sa dihang ang usa ka player gipapahawa human sa duwa.

Ang maong duwa maoy katapusang torneyo nga giorganisar isip pag-ila sa lider sa junta sa Guinea nga si Mamady Doumbouya.

Nadaog ni Doumbouya ang kudeta niadtong 2021 ug gipahimutang ang iyang kaugalingon isip presidente./

Tungod sa kagubot, napugos ang kapolisan sa paggamit og puwersa aron mabungkag ang mga tawo.

Sa pagkakaron, padayon ang gihimo nga imbistigasyon sa mga otoridad sa nasangpit nga insidente.