CEBU CITY-Andam mugahin ang kagamhanang dakbayan sa Sugbo sa pagpalit og incinerator para sa operasyon sa Philippine Drug Enforcement Agency (PDEA).
Kini magbalor sa kapin P5-milyones nga gipasalig ni Cebu City Mayor Raymond Alvin Garcia sa 4th Quarter Regional Peace and Order Council meeting nga aron maproseso ang mga nasakmit nga mga illegal nga drugas para sa proper disposal niini og dili na ma-recirculate sa katilingban.
Kini ang nahukam ni Mayor Garcia human masayran nga mugamit pa sa mga pasilidad sa mga Funeral Homes and ahensya sa PDEA sa mga nasikop niini nga mga drugas.
Sa higayong makapalit na sa incinerator machine ang kagamhanang dakbayan, dali kini nilang itugyan ngadto sa pagdumala sa PDEA ang pag-atiman niini.
Kahinumduman nga niadtong miaging buwan sa Nobyembre, ang PDEA misunog sa dili muminos sa kapin 61 ka kilos sa illegal nga drugas isip ebidensya human adunay pagtugot kini gikan sa korte diin 42 kilos niini nag gikan sa operasyon nga nasakit sa dakbayan sa Sugbo.
