Aktibo ug determinado nga giatubang sa BRP Teresa Magbanua ang illegal nga mga Presensya sa barko sa China Coast Guard nga adunay bow number 3304 sulod sa Exclusive Economic Zone (EEZ) sa Pilipinas.
Sa pagsupak sa walay basehanan nga pag-angkon sa Chinese vessel sa hurisdiksyon niini nga katubigan, ang BRP Teresa Magbanua makanunayon nga nakigkomunikar sa CCG-3304, nga nag-isyu sa matag oras sa radio challenges aron ipahayag nga kini ilegal nga naglihok sulod sa teritoryo sa Pilipinas.
Kining nagpadayon nga radio engagement nagpasiugda nga ang mga aksyon sa CCG-3304 kay nakalapas sa Philippine Maritime Zones Act, sa United Nations Convention on the Law of the Sea (UNCLOS), nga giratipikahan sa China, ingon man sa 2016 Arbitral Award.
Ang BRP Teresa Magbanua nagpabilin nga dedikado sa pagpanalipod sa maritime rights sa Pilipinas, sumala sa gilatid sa UNCLOS.
Dugang pa, ang propesyonal nga pamaagi sa Philippine Coast Guard sa pagsumpo sa mga ilegal nga kalihokan sa China Coast Guard kay nagpakita sa pasalig sa gobyerno sa Pilipinas sa non-provocation ug de-escalation.
