Nanghawd sa pag-usab ang mga Sugbuanong tinun-an sa nahitabong February 2025 Respiratory Therapists Licensure Examination diin gikan sa Cebu Doctors’ University (CDU) ang nahimong topnotcher matod pa sa anunsyo sa Professional Regulation Commission (PRC).
Diin sa maong eksaminasyon kay si Erma Mae Yongco Sanchez ang nakakuha ug percentage rating nga 94% nga maoy kinatas-an sa 853 ka student-therapist examinees nga malampusong nakapasar sa mga pasulit.
Sa ikaduhang dapit, mao ang laing CDU graduate nga si Alyssa Jules Mendez Batauza kinsa mitabla kang Zach Cedrick Nicol Bumanglag nga usa ka Cagayan State University Andrews Campus graduate.
Ang duha nakakuha ug percentage rating nga 93%.
Ang top performing schools, base sa Commission Resolution No. 1814 series of 2024, nga adunay 50 o labaw pa nga examinees nga adunay labing menos 80% passing percentage mao ang tunghaan sa Cagayan State University Andrews Campus ug San Pedro College – Davao City.
Ang petsa ug venue sa oath-taking ceremony sa mga malampusong examinees ipahibalo sa sumusunod nga mga adlaw matod pa sa PRC.
