Pope Francis giingong magdugay pa sa tambalanan

Malugwayan pa ang pagpabilin ni Pope Francis sa balay tambalanan.

Sumala sa Vatican, ang 88-anyos nga Santo Papa nadayagnos nga adunay “polymicrobial infection” sa iyang respiratory tract.

Dugang pa sa Vatican nga tungod sa maong sakit girekomendar sa doktor nga magpabilin sulod sa pipila ka adlaw ang Santo Papa sa tambalanan sa Gemelli sa Roma.

Ang tigpamaba sa Vatican nga si Matteo Bruni nipasalig nga maayo ang kahimtang sa Santo Papa ug gihimo sa mga doktor ang tanan alang sa iyang paspas nga pagkaayo.

Kahinumduman nga niadtong Biyernes, ang Santo Papa nadala sa tambalanan tungod sa bronchitis.