Personal nga nag-atubang sila si Philippine Coast Guard Spokesperson for the West Philippine Sea Commodore Jay Tarriela ug Cong. Rodante Marcoleta atol sa gipahigayong hearing sa Tri-Committee sa Kamara.
Kahinumdoman nga adunay binayloay nga pamahayag ang duha human niingon ang kongresista nga walay “West Philippine Sea” ang naglungtad o makita sa mapa sa kalibotan.
Sa pagpakita ni Tarriela, niingon siya nga iyang barogan ang gisulti ni Presidente Ferdinand R. Marcos Jr. nga ang WPS dili usa ka fiction ug bisan kinsa nga moingon nga kini usa ka tinumotumo sa gobyerno maisip nga usa ka “disservice” ug usa ka kaulawan sa organisasyon, sa partido ug sa iyang pamilya.
Giklaro usab ni Tarriela nga wala’y direktang naghinganlan og bisan kinsang personalidad ug walay natawag nga traydor.
Apan matod sa kongresista, angay untang klaruhon ni Tarriela ang iyang pamahayag tungod kay giuwanan siya og mga pagsaway sa social media ug nakita nga midapig sa China.
