TOLEDO CITY,CEBU- Gitigbas og gipusil sa usa ka Lolo nga 70 anyos ang iyang asawa nga 65 anyos sa alas 7 sa kagabie Myerkules Pebrero 19, 2025 sa Sitio Lower Bagsok Brgy Sagay, Toledo City.
Giila ang suspek nga bana nga si Rodrigo, 70-anyos og lumulupyo sa mao nga dapit ug ang asawa niini si Marcelina 65-anyos kinsa nga naguban na sa dugay nga mga katuigan.
Daling nadakpan ang maong suspek human sa panghitabo og kasamtangan nabalhog karon sa Toledo Police Station.
Base sa inisyal nga imbestigasyon, nag selos si Lolo sa iyang asawa nga gikaingong aduna nay laing gikakuyog-kuyog human sa mainitong panaglalis sa duha ka magtiayon sa Balay sa igsuon sa Biktima.
Wala na makapugong sa gibati si Lolo og gikuha niini ang revolver nga armas de pistola og usa ka taas nga pinuti, dinhi iyahang gipusil sa makadaghang higayon ang iyang asawa og sa wala matagbaw iya pang gitigbas.
Nakaangkon ang 65 anyos nga lola og angol sa kalawasan, nga samad sa pinuti og pinusilan.
Sa pagsulat niining balita, anaa sa kretikal nga kondisyon ang maong Lola ug padayun pa nga nagpa-alim sa tambalanan.(With reports of Bombo Rocky Lavarez)
