CEBU CITY- Mipahigayon ang Cebu City Police Office ubos sa Pagdumala ni Acting City Director PCOL Enrico E. Figueroa og dakong operasyon nga gitawag og “Oplan Bulabog,” nga malampusong nakaluwas sa 238 ka mga menor de edad sa dakbayan sa Sugbo, gahapon Pebrero 28, 2025.
Ang operasyon estratehikong gipatuman sa mga target nga lugar sa siyudad, nga naglambigit sa deployment sa 100 ka personnel gikan sa Police Stations 1 ngadto sa 11.
Dugang pa, naglakip usab kini sa mga espesyal nga yunit, ang City Mobile Force Company, Drug Enforcement Units, ug Traffic personnel.
Gikan sa Pebrero 26 hangtod 27, ang mga tinugyanan sa balaod nagpahigayon og inspeksyon sa 854 ka mga establisemento ug nakig-interact sa 874 ka mga indibidwal, nga miresulta sa pag-ila ug pagluwas sa 238 ka mga menor de edad nga nakit-an nga nakalapas sa mga regulasyon sa curfew.
Nagpasiugda kini sa dedikasyon sa Cebu City Police Office alang sa kaluwasan sa publiko ug sa ilang proactive approach sa crime deterrence pinaagi sa heightened police presence.
Kini nga inisyatibo nagpasiugda sa nagpadayon nga pasalig sa Central Visayas police force sa pagpanalipod sa mga bata ug pagpalambo sa police visibility sulod sa nagkalain-laing distrito sa dakbayan sa Sugbo.
Gidayeg ni PRO7 Regional Director Police Brigadier Redrico Maranan ang mga estratehikong inisyatibo nga gihimo sa pamunoan sa dakbayan sa Sugbo, nga nagpasiugda sa ilang pasalig sa pagpalambo sa kaluwasan sa publiko ug pagsulbad sa mga kriminal nga kinaiya.
Subay niini, gihangop usab kini ni Cebu City Mayor Raymond Alvin Garcia ang naasoy nga lakang sa Kapulisan sa Sugbo, ilabi na nga ang mahinungdanon kini uban sa pakigtambayayong sa kagamhanan sa Dakbayan sa Sugbo ug mga lokal nga barangay, nga nakapahimo sa epektibong pagpatuman sa mga lokal nga ordinansa ug sa pagpugong sa mga kriminal nga kalihokan sulod sa Dakbayan sa Sugbo.
Nasuta usab nga daghang mga menor de edad ang na-rescue nga nangla-ag sa mga nagkadaiyang bar ug mag-inom, diin adunay mga tawo nga dayag nga niangkon sa mga otoridad atol sa inspeksyon nga wala pa sila nag 18 anyos.
