Usa sa mga maanindot ug giatangan nga hugna sa kinabuhi sa tawo, ang makasal ka sa imong hinigugma.
Apan, ang kalipay nga unta saw-an sa duha ka managhigugmaay ug pagbayloay og ‘I do’ atubangan sa altar sa Simbahan kay napuno sa kasakit ug kaguol tungod sa nahitabong trahedya nga gidangatan sa usa ka piloto nga nakalas ang kinabuhi human nahagsa ang gisakyan niini nga fighter jet sa kabukirang bahin sa Bukidnon.
Ang kasal nila ni 1Lt. AJ Dadulla nga kaslon na unta sa sunod nga duha ka semana sa iyang uyab nga si 1Lt. Alyssa Columbino kinsa sakop usab sa PAF.
Sa social media post ni 1Lt. Alyssa Columbino diin mipadayag sa iyang walay sama nga gugma ug pagpahibalo kung unsa kini ka-proud kang Dadulla.
Mibubo ang pahasubo ngadto sa pamilya ug kabanay sa mga biktima.
Gawas kang Dadulla patay usab si Maj. Jude Salang-oy.
Gikataho nga nawala ang maong eroplano niadtong Martes sa buntag hangtod nga napalgan sa Mt. Kalatungan, Brgy. Mirayon Talakag, Bukidnon ning Marso 5.
