Nipagawas ang Presidential Communications Office og statement kabahin sa pagdakop kang kanhi Presidente Rodrigo Duterte.
Kung diin, basi sa ilahang giluwat nga pamahayag, sayo sa buntag, nadawat sa INTERPOL Manila ang opisyal nga kopya sa warrant of arrest gikan sa International Criminal Court (ICC).
Alas 9:20 sa buntag karong adlawa, Marso 11, 2025, niabot sa Manila si kanhi Presidente Rodrigo Duterte ug iyang mga kauban gikan sa Hong Kong sakay sa Cathay Pacific CX 907.
Sa iyang pag-abot, ang Prosecutor General misang-at sa pahibalo sa ICC alang sa warrant of arrest batok sa kanhi Presidente tungod sa mga krimen batok sa katawhan.
Ang kanhi Presidente ug ang iyang mga kauban anaa sa maayong panglawas ug gisusi sa mga doktor sa gobyerno.
Gipaniguro usab nila nga anaa siya sa maayong kahimtang.
Ang mga opisyal sa PNP nga nipatuman sa warrant gikinahanglang nga magsul-ob og body camera.
Sa pagkakaron anaa siya sa kustodiya sa mga awtoridad.
