Kasuhan sa Philippine National Police (PNP) og direct assault ang common wife ni kanhi Presidente Rodrigo Duterte nga si Honeylet Avanceña tungod sa pagpanakit sa usa ka babaye nga pulis.
Gipasabot ni PNP Spokesperson Brig.Gen. Jean Fajardo, ang policewoman nakaangkon og samad sa ulo dihang gihapak siya ni Avancena og cellphone.
Ang insidente naggumikan sa kaguliyang nga nahitabo atol sa pagkasikop ni Duterte.
Gikuha sa kapulisan ang iyang anak nga si Veronica Kitty Duterte, diin naglisod pagduol ang inahan hangtod nga gihapak niya ang iyang dala nga cellphone.
Samtang sa pikas bahin, gipasabot ni PNP-Criminal Investigation and Detection Group (CIDG) Chief Maj. Gen. Nicholas Torre III nga gitunglo siya sa anak sa kanhi president, uban sa pag-ingon nga baga na ang iyahang panit ug naanad na siya sa balikason kay kauban kini sa ilang trabaho.
