Wala gihapon nakapugong sa 92-anyos nga si lolo Antonio Rao ang pag-apil niini sa marathon.
Karong tuiga subling gitapos sa Italyanong lolo ang Rome Marathon sa sulod sa unom ka oras ug 44 minutos.
Gikan pagkabata, pagdagan na ang kinabuhi ni Rao.
Sa dihang nag-edad pa lamang siya og 10-anyos misubay gikan sa ilang balay sa Calabria og mipaingon sa Rome.
Sulod sa 30 ka tuig, bisan kausa walay higayon nga wala siya makaapil sa prestihiyosong Rome Marathon.
Kada semana, kanunay kini nga mag-exercise ug gidagan ang 20 hangtod 30 kilometro isip pagpangandam sa iyang sunod nga marathon.
Kaniadtong 2023, gipakuratan niya ang kalibutan dihang nakatala og bag-ong world record sa edad nga 90 human gihuman ang marathon sulod sa unom ka oras og 14 na minutos.
Bisag aminado nga adunay gibating sakit apan wala kini nahimong babag kaniya.
Gumikan alang kang Rao, ang pagdagan ang dili lang usa ka ‘sport’ kundili kinabuhi na niya.
