Gipaambit ni Nikki Gil sa Instagram nga ang iyang anak nga si Maddie, tres anyos, kay na-diagnose nga adunay Kawasaki Disease.
Matod ni Nikki, usa kini ka sakit nga wala pa nila madungog hinungdan nga ila kining gikabalak-an pag-ayo sa dihang ilang nakita ang ilang anak nga nag-antos sa maong sakit, ug gipaubos sa mga pagsulay ug pagtambal.
Hinuon, nagpasalamat si Nikki sa mga doktor ug sa ilang mga higala ug pamilya nga mitabang sa ilang giagian karon nga hagit.
Dugang sa post ni Nikki nga nakauli na kini sa ilang panimalay apan padayon lang gihapon ang recovery sa bata.
Nasayran nga ang ‘Kawasaki Disease’ usa ka seryoso nga kondisyon nga hinungdan sa paghubag sa mga ugat sa dugo ug kasagarang makaapekto sa mga bata.
Usa usab kini ka nag-unang hinungdan sa acquired heart disease sa mga bata.
