-- ADVERTISEMENT --
CEBU CITY- Nabangga sa poste ug nadasok sa kasagbotan ang usa ka rider, hinungdan nga wala na kini makalihok, sa kadalanan sa Transcentral highway, Brgy Pung-ol Sibugay Cebu City, karong alas 10:00, sa buntag ning Easter Sunday o Abril 20, 2025.
Sa pagkakaron, padayun pang gisusi og giila sa mga emergency responders sa Cebu City kung unsa na ang kahimtang sa maong rider.
Sa inisyal nga taho, “unresponsive” na ang maong biktima apan padayun pa kini nilang gi-revive.
Matud pa, kusug nagpadagan ang maong motorista ug na overshoot kini sa liko-anan sa maong dapit.
Sa pagsulat niining balita, padayon pa nga gisuta sa Bombo News Team ang hinungdan sa naasoy nga aksidente, ingon man ang pagkatawo sa Biktima.
-- ADVERTISEMENT --
