Gisugyot ni House Committee on Civil Service and Professional Regulation Chair ug Bohol Rep. Alexie Tutot nga ang mga kaso sa bullying, pag-atake, ug uban pang krisis sulod sa mga eskwelahan kay kinahanglang itugyan ngadto sa Barangay Justice Department.
Matod niya, ang mga prinsipal ug magtutudlo walay igong kahanas ug pagbansay sa pag-atubang sa maong mga sitwasyon.
Dugang pa niya nga gikinahanglan ang padayon nga propesyonal nga edukasyon alang sa mga magtutudlo, prinsipal, ug bisan sa non-teaching personnel aron mas masulbad nila ang mga krisis sa eskwelahan.
Laing isyu nga gipasiugda mao ang kakuwang sa mga polisiya sa pagpanalipod sa mga bata ug mga komite sa mga tunghaan.
Diin pipila lang ang adunay ingon niini nga mga mekanismo, ug kini usa ka dakong kakuwangan sa pagpatuman sa balaod sa pagpanalipod sa mga bata.
Nagtuo usab siya nga mas haum ang barangay sa pagdumala sa mga kaso nga naglambigit sa mga batan-on nga nakalapas sa balaod, imbes nga ipasa kini ngadto sa mga kadagkuan sa tunghaan.
Gisugyot usab niya nga ibutang ang mga school clinic ubos sa hiniusang pagdumala sa Department of Health (DOH) ug Department of Social Welfare and Development (DSWD) aron masiguro ang igong kawani, kagamitan, ug mga suplay sa mga estudyante.
