Alex Eala, daog batok sa Bulgarian sa Madrid Open; Makigsangka balik sa world no. 2

Nagmalampuson si Alex Eala sa iyang kampanya sa Madrid Open human gipildi ang Bulgarian nga si Viktoriya Tomova sa Round of 128 nga gipahigayon sa Spain.

Sa iskor nga 6-3, 6-2, ang 19-anyos nga si Eala, kinsang kasamtangang world no. 72 kay andam siyang makigsangka sa mas taas nga ranggo nga mga players, sama kang Tomova nga walo ka puwesto nga mas taas kay kaniya sa world rankings.

Ning maong kadaugan, makaabante si Eala sa Round of 64 diin ila na usab nga ikasangka ang world no. 2 nga si Iga Swiatek.

Ang duha nag-atbang sa Miami Open niadtong Marso, diin si Eala nakapakurat sa kalibutan sa tennis human miiskor og upset batok sa Polish nga bituon sa quarterfinals usa ka kadaugan nga nagbukas sa mas lapad nga pagtagad sa iyang karera.