Moabot sa 5,000 ka mobile subscriber identity ang posibleng na-access sa giingong espiya nga Chinese national nga bag-o lang nadakpan duol sa headquarters building sa Commission on Elections.
Kini ang gikompirmar sa mga kawani sa media sa National Bureau of Investigation.
Matod ni NBI spokesperson Ferdinand Lavin, kini pinaagi sa paggamit sa international mobile subscriber identity (IMSI) catcher.
Dugang niya nga nakakuha kini og mga sensitibong datos ug impormasyon sama sa text messages, mobile numbers ug bisan mga rekord sa mga tawag sa telepono.
Iyang gipasabot nga ang international mobile subscriber identity catcher makaabot sa gilay-on nga 500 metros ngadto sa tulo ka kilometro.
Giingong nagsuroysuroy ang espiya sa mga dapit sa Korte Suprema, DOJ, Villamor Air Base, BIR ug COMELEC.
Sa pagkakaron, ang NBI nagpadayon sa ilang imbestigasyon sa maong isyu.
