Gipangandaman sa Commission on Elections sa Dakbayan sa Mandaue, ang psibleng pagdagsa sa mga magparehistro alang sa umaabot Barangay and Sangguniang Kabataan Elections.
Matud ni Assistant Comelec Officer Dannah Darren Godoy, nga gipangandaman sa Comelec Mandaue, ang pagdagsa mga magparehistro subay sa umaabot nga eleksyon sa Barangay.
Giawhag usab ni Godoy, ang mga magparehistro hilabi na sa mga SK, og mo transfer nga magparehistro na samtang sayu pa og mingaw pa ang registration sites, aron dili magpunsisok sa panahon sa kinalasang mga adlaw niini.
Hinungdan nga gipahimutang ang mga registration sites sa mga nagkadaiyang Mall usab sa Dakbayan sa Mandaue, aron mas daghan ang ma-cater kung ugaling magdagsa ang mga tawo.
Gibana-bana nga moabut sa 500-1,000 ka mga indibidwal ang moapas pa sa pagparehistro sa sunod semana gumikan kay mao na kini ang kinalasang semana una nga tak-opan ang registration sa Comelec.
