Subli na nga gipatuman sa Commission on Elections (Comelec) ug mga nagkada-iyang sakop sa mga kapulisan ang pagpatuman sa Liquor Ban sugod karong adlawa Mayo 11, 2025 hangtud sa adlaw sa piniliay sa Lunes, Mayo 12, 2025.
Kini subay sa Comelec Resolution No.11057, nga nagpatuman sa liquor ban, pagpamaligya, pagpanghatag ug pag-inum ug mga nagkalain-laing ilimnung makahubog atol sa panahon sa piniliay.
Ang maong resolusyon naglangkob sa tanan nga mga indibidwal ug negosyo nga mga establisemento, lakip ang mga hotel, resort, restawran, ug mga bar, ug nagtumong sa pagpugong sa mga kasamok tungod sa alkohol nga mahimong makabalda sa mga proseso sa pagboto.
Gibutyag ni Police Col. Theresa Macatangay, nga ang tanan nga mo supak sa gilagda sa Comelec Resolution, mag-atubang gayud ug kaso sa paglapas niini, hilabi na kung may kalabutan usab sa Liquor Ban. (report via Bombo Nathaniel Sandoval)
