Nakapyansa og Php100,000 ang drayber sa SUV nga nakadasmag-patay sa usa ka lalaki ug usa ka 5-anyos nga bata sa NAIA Terminal 1, niadtong Mayo 4, 2025.
Kini nga impormasyon gikompirmar ni Manila International Airport Authority (MIAA), Head Executive Assistant Atty. Manuel Jeffrey David, kung diin nakagawas na sa prisohan ang maong 47-anyos nga SUV Drayber human napagawsan og court order nga makahimo kining makapyansa taliwala sa kadaot nga nahatag, sumala sa Pasay RTC 109.
Apan, tataw ni David, nga bisan og nakapyansa ang maong drayber, aduna gihapon kini katungdanan sa pag-atubang sa korte sa mga kasong atubangon niini, sama sa reckless imprudence resulting in double homicide, multiple serious injuries, ug property damage, sa umaabot nga Mayo 27, 2025.(Bombo Irene Ardiente)
