Opisyal nang sakop sa deposit insurance system sa nasod nga Philippine Deposit Insurance Corporation (PDIC) ang mga Islamic banks (IBs) ug Islamic banking units (IBUs).
Sa usa ka pahayag kaniadtong Miyerkules, Mayo 21 diin ang PDIC mitaho nga ang mga deposito sa kini nga mga bangko giseguro sa parehas nga paagi sa naandan nga mga deposito hangtod sa maximum deposit insurance coverage (MDIC) nga P1-milyones matag depositor, matag bangko.
Sumala pa ni PDIC President ug CEO Roberto Tan nga ang pagpalapad sa deposit insurance kay aron malakip ang deposito sa mga Islamic banks nga adunay susamang proteksyon sa mga regular bank deposits nga makapalambo sa pagsalig sa sistema sa Islamic banking.
Sa hinapos sa nakalabayng Disyembre sa miaging tuig, adunay 12,514 nga Islamic deposit account sa banking system niini.
Nagtanyag ang mga IB ug IBU og mga financial products ug services, lakip ang mga deposito, nga nagsunod sa Shari’ah Law nga nagtutok sa ethical financing, risk-sharing, ug socially responsible practices.
