Nagpasaka og reklamo ang aktres ug singer nga si Nadine Lustre tungod sa paglapas sa “Safe Spaces Act” tungod sa iyang giingon nga nagpadayon ug malisyoso nga pag-atake kaniya sa social media.
Kini nga lakang gisuportahan ni incoming ML Partylist Representative Leila de Lima, kinsa gi-endorso usab ni Lustre sa miaging piniliay.
Matod ni De Lima, importante ang gihimo sa aktres sa panahon nga gigamit ang social media aron pahilomon ang mga nagpasiugda sa hustisya ug reporma.
Gihatagan og gibug-aton ni De Lima nga ang kagawasan sa pagpadayag dili angay gamiton sa pagguba sa kamatuoran, dignidad, ug demokrasya.
Siya midugang nga ang mga malisyosong pahayag online dili yanong mga opinyon kondili kabahin sa systematic destruction ug intimidation.
Gitawag ni De Lima ang kaso ni Lustre nga “stand for truth and accountability.”
Gipasalamatan usab ni De Lima si Lustre sa iyang kaisog, nga nag-ingon nga ang pakigbisog alang sa usa ka tawhanon ug makiangayon nga katilingban.
