Gianunsyo sa Philippine Coast Guard (PCG) nga magpadala sila og duha ka barko aron masiguro ang kaluwasan sa “Atin Ito” coalition sa ikatulong misyon niini sa West Philippine Sea (WPS), gikan sa Mayo 26 hangtod 30, 2025.
Matud ni Commodore Jay Tarriela, ang PCG spokesperson for the West PH Seas nga usa ka 97-meter ug 44-meter nga barko ang ipadala aron paghatag og seguridad, bisan pa nga ang misyon usa ka inisyatibo nga gipangulohan sa mga sibilyan.
Ang maong lakang nunot sa insidente sa Pag-asa Island diin ang barko sa Chinese Coast Guard (CCG) kaduha nagpabuto og water cannon sa BRP Datu Sanday, nga nagpahigayon og marine research.
Bisan pa sa tensiyon, ang tigpamaba sa National Maritime Council nga si Alexander Lopez nipasalig nga ilang gidasig ang “Atin Ito” coalition kay magpadayon sa ilang misyon ug aduna silay mga contingency plan kung makasugat sila og mga problema.
Ang misyon naglakip sa usa ka peace concert sa Palawan nga nag-feature sa mga iladong Filipino ug international artists.
