Nasikop sa kapulisan sa nasud nga Costa Rica sa Central America ang lima ka mga hayop nga ‘capybara’, cocaine, ug marijuana human sa sa pagukod sa usa ka mitakas nga sakyanan sa highway niini.
Ang capybara kay usa ka semi-aquatic rodent nga South American relative sa guinea pig nga misikat online tungod sa ‘nonchalant’ vibes niini.
Apan ang maong hayop kay dili nitibo sa maong nasud ug sumala sa Public Security Ministry nga ang pagpanag-iya ug pag-transport niini kay illegal.
Dugang sa maogn ahensya nga wala kini naka-record og pagkasikop sa maong hayop.
Duha ka mga lalaki nga adunay criminal record ang nasikop sab sa maong sakyanan nga nakabalhog sa sa kustodiya sa mga awtoridad.
Samtang ang mga capybara kay gi-turn over na ngadto sa National System of Conservation Areas aron ma-evaluate sa mga veterinarians aron ipa-ilawom kini og refuge for environmental and conservation education programs.
